Med Vinterbarn avsluttar Oddmund Hagen ein romantrilogi som startar med Utmark (1996) og held fram med Stemmer, steg (2002). Heile vegen søker forteljaren tilbake til heimstad, barndom og oppvekst, og han ser sitt eige liv i lys av kva som hendte den gongen. Alle tre bøkene er skrivne inn i ein samanheng av erkjenning, erindring og refleksjon der forteljaren prøver å fange det som ikkje lar seg fange, men som likevel blir sjølve substansen i livet, her og no, der og da. For Utmark fekk forfattaren Nynorsk litteraturpris.