«Kva skal vi ha til middag?» Spørsmålet blir stilt dagleg i tusenvis av norske heimar. Det er få måltid det er knytta meir forventning til. Middagen er både mat og samlingsstund. Samtidig skal den gjerne serverast på det mest kaotiske tidspunktet på ettermiddagen. Så kva skal de ha til middag?

Denne boka gir deg svaret. Her finn du over 80 middagar som alle kan lage. Middagar for ein og middagar for mange. I tillegg får du 10 vekemenyar med handleliste, og ei rekke smarte tips og råd. Dette er boka for deg som slit med tidsklemma, for deg som syns middagsmat er ei utfordring, og for deg som treng inspirasjon til å løfte middagen til nye høgder på ein enkel måte. Gjer deg klar for ein opptur med sunne middagar!